Goa Politics: पंतप्रधान मोदींच्या निमंत्रणावरून 'दामूं'चा दिल्ली दौरा, संतोष यांच्याशी चर्चा; तपशील मात्र गुलदस्त्यात

Damu Naik Delhi Visit: पंतप्रधान नरेंद्र मोदी यांच्या निमंत्रणावरून दामू हे काल दिल्लीला गेले होते. संसद भवनात त्यांनी पंतप्रधानांची भेट घेतली.
Damu Naik, Narendra Modi, B L Santosh
Damu Naik, Narendra Modi, B L Santosh Dainik Gomantak
Published on
Updated on

पणजी: भाजपचे प्रदेशाध्यक्ष दामू नाईक यांनी आज दिल्लीत भाजपचे राष्ट्रीय सरचिटणीस (संघटन) बी. एल. संतोष यांची भेट घेतली. त्यांनी दोन महिन्यांत केलेल्या संघटनात्मक कामाचा तसेच गोवा व सरकार याविषयीचे अहवाल त्यांना सादर केले.

पंतप्रधान नरेंद्र मोदी यांच्या निमंत्रणावरून दामू हे काल दिल्लीला गेले होते. संसद भवनात त्यांनी पंतप्रधानांची भेट घेतली. या भेटीबाबत दामू यांनी सांगितले, की प्रदेशाध्यक्ष झाल्यानंतर केलेली कामे आणि पक्षाची सरकारकडून असलेली अपेक्षा या विषयी या भेटीत सविस्तर चर्चा करण्याची संधी मिळाली.

Damu Naik, Narendra Modi, B L Santosh
Damu Naik On Assembly Election: '2027 ला भाजप 27 चे लक्ष्य गाठणार'; प्रदेशाध्यक्ष दामू नाईकांनी स्पष्टच सांगितले

त्यानी केलेले मार्गदर्शन पक्षाचे राज्यात काम पुढे नेण्यासाठी निश्चितच उपयोगी ठरेल. मतांची टक्केवारी ३६ टक्क्यांवरून ५० टक्के करण्याचे लक्ष्यही या भेटीदरम्यान निश्चित करण्यात आले. दामू यांनी आज संतोष यांच्याशी चर्चा केली. राज्यात संतोष आले असताना दामू यांनी त्यांच्याकडे अहवाल सादर केला होता.

Damu Naik, Narendra Modi, B L Santosh
Goa Politics: विश्‍‍वजीत राणे यांच्‍या दिल्लीवारीमुळे पुन्‍हा राजकीय चर्चा! अमित शाह, संतोष यांची घेतली भेट

त्या अनुषंगानेही चर्चा झाली. संघटनात्मक बाबींवर चर्चा झाल्याचे त्यानी नमूद केले. मंत्रिमंडळ फेरबदल किंवा कोणत्या मंत्र्याच्या कामगिरीबाबत या भेटीदरम्यान चर्चा झाली का याविषयी वारंवार विचारणा करूनही दामू यांनी काहीही सांगण्यास नकार दिला. दामू यांनी काल रात्री व आज दुपारी पक्षाच्या अन्य महत्वाच्या नेत्यांशी चर्चा केली. आज सायंकाळी सहा वाजता राज्यात पोचल्यावर ते तडक पक्षाच्या मेळाव्यासाठी कळंगुट येथे रवाना झाले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com