पणजी : भाजप प्रदेशाध्यक्ष म्हणून दामू नाईक हे रविवारी (ता. १८ जानेवारी) एक वर्ष पूर्ण करत आहेत. गतवर्षी १८ जानेवारी रोजी त्यांची प्रदेशाध्यक्षपदी बिनविरोध निवड करण्यात आली होती. या वर्षभराच्या काळात जिल्हा पंचायत निवडणुकीत दोन्ही जिल्हा पंचायतींवर स्पष्ट बहुमत मिळवत आपल्या नेतृत्वाचा त्यांनी ठसा उमटवला.
माजी प्रदेशाध्यक्ष सदानंद शेट तानावडे यांचा कार्यकाळ संपल्यानंतर भाजपने त्यांची राज्यसभेच्या खासदारपदी वर्णी लावली. त्यानंतर प्रदेशाध्यक्षपदाची धुरा कुणाच्या खांद्यावर येणार, याकडे संपूर्ण राज्याचे लक्ष लागून होते.
या पदाच्या शर्यतीत दामू नाईक यांच्यासह माजी खासदार अॅड. नरेंद्र सावईकर, माजी मंत्री दयानंद मांद्रेकर, दिलीप परूळेकर, बाबू कवळेकर, माजी आमदार दयानंद सोपटे आणि वरिष्ठ नेते दत्ता खोलकर असे सात जण होते. त्यातून पक्षाने दामू नाईक यांच्या नावावर शिक्कामोर्तब करत त्यांची बिनविरोध निवड केली होती.
जिल्हा पंचायत निवडणुकीत दामूंनी भाजप उमेदवारांचा वादळी प्रचार केला. त्यासाठी राज्यभर त्यांनी ११८ सभा घेतल्या. घरोघरी जाऊन प्रचार करण्यासह कोपरा बैठकांनाही उपस्थिती लावली. त्यांच्या सभांना नागरिकांनीही उत्स्फूर्त प्रतिसाद दिल्याचे दिसून आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.