कसला डिजिटल इंडिया? दाबोळीवरील फ्री वायफाय बिनकामाचे; प्रवाशाचे ते ट्विट अन् विमानतळाने शेअर केले पेड प्लॅन

Dabolim Airport Free WIFI Issue: दक्षिण गोव्यातील दाबोळी विमानतळ गोव्यातील पहिले आणि महत्वाचे विमानतळ आहे. दाबोळीवरून मोठ्या प्रमाणावर प्रवासी वाहतूक होत असते. विमानतळावरील फ्री वायफायबाबत एका प्रवाशाने प्रश्न उपस्थित केले आहेत. येथील वायफाय बिनकामाचे असून, कसला डिजिटल इंडिया असेही या प्रवाशाने म्हटले आहे.

गोव्यातील दाबोळी विमानतळावरील वायफाय सुविधा बिनकामाची आहे. तेथे हायस्पीड डेटा विकत घेण्याची देखील सोय नाही. वोडाफोन आयडिया व्यवस्थित काम करत नाही, पाच मिनिटात फ्री लिमिट समाप्त झाले असे दाखवते. डेटा विकत घेण्यासाठी मी पैसे देऊ शकत नाही, कसला डिजिटल इंडिया?

दाबोळी विमानतळावरील वायफाय मोफत असून, 45 मिनिटांसाठी 500 एमबी डेटा मोफत मिळतो. स्पीड टेस्ट घेतली असून त्याचे स्क्रिनशॉट जोडले आहेत. तसेच, डेटा विकत घेण्यासाठी लिंक जोडली आहे.

दाबोळी विमानतळ प्राधिकरणाने जोडलेल्या स्क्रिनशॉटच्या माहितीनुसार, यात दोन तासांसाठी 25 रूपये तर एक जीबी डेटासाठी 10 रूपये असे पॅक असल्याचे त्यांनी दिलेल्या माहितीवरून दिसून येते.