पणजी: गोव्यात गेल्या महिनाभरापासून कोरोनामुळे (Coronavirus) समस्यांच्या गर्तेत सापडलेले मच्छीमार (Goa Fisherman) व्यवसायाला चक्रीवादळाने मोठा तडाखा दिला आहे. गेल्या दहा दिवसात मिळणारे चार हजार टन मासे न मिळाल्याने लाखोंचे नुकसान झाले आहे. गोव्यात मालिम, कुठबन, वास्को (Vasco Port) आणि शापोरा (Chapora Fort) अशा 4 मोठ्या मच्छीमार जेट्टी आहे . गोव्यात 970 मोठ्या फिशिंग बार्ज असून चारशेहून अधिक पारंपारिक छोट्या बोटी आहेत. दररोज साधारणपणे 400 ते 500 टन माशांचा कॅच मच्छीमारांना मिळतो. काहीवेळा तो त्याहूनही अधिक मिळतो. मात्र मे महिन्याच्या सुरुवातीपासूनच गोव्यात कोरोनासाठी संचारबंदी लागू झाल्याने फिश मार्केट बंद करण्यात आले आहे.त्यामुळे मासे पकडले तरी ते विकायचं कुठे? हा प्रश्न मच्छीमारांच्या समोर होता. अशातच तौक्ते चक्रीवादळाने गोव्यात प्रवेश केला 11 मे रोजी कॅप्टन ऑफ पोर्ट, मत्स्य खाते आणि हवामान खात्याने मासेमारी करण्यासाठी मच्छीमारांनी समुद्रात जाऊ नये असा इशारा दिला. त्यामुळे थोडीफार सुरू असलेली मासेमारी ही पूर्णता बंद झाली. (Cyclone hits Goa's fishing business)
गेल्या आठ दिवसांहून अधिक काळ सारे मच्छिमार आणि कामगार जेटीवरती बसून आहेत. सध्या समुद्र शांत झालेला नसून वाऱ्यालाही वेग असल्याने मासेमारी करण्यासाठी मच्छिमार समुद्रात जाणं टाळत आहेत. गेल्या दहा दिवसात मालिम जेटीवर मिळणारे 200 टन मासे मिळत नाहीत. मासेमारी करण्यासाठी कामगार ओरिसा, झारखंड,बिहार ,कर्नाटक इथून गोव्यात येतात त्यांचे सीझन नुसार करार झालेले असतात. एका बोटीवर 15 ते 25 कामगार काम करतात अगोदरच वाढलेले डिझेलचे, बर्फाचे दर आणि बसून राहिलेले कामगार यामुळे बोट मालकांचे अतोनात नुकसान होत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.