‘जनमन उत्‍सव’ सर्वेक्षणाला कुडतरी मतदारसंघात प्रतिसाद

मडगाव: मडगाव, फातोर्डा, नावेली व कुंकळ्ळी या सासष्टीतील चार मतदारसंघांमध्‍ये ‘गोमन्‍तक’च्या ‘जनमन उत्सव’ सर्वेक्षणाला महिलांकडून उत्स्फूर्त प्रतिसाद मिळाल्यानंतर आता हे सर्वेक्षण कुडतरी मतदारसंघात सुरू झाले आहे. गेले तीन दिवस घोगळ हाऊसिंग बोर्ड परिसरात हे सर्वेक्षण सुरू आहे.

गोव्यातील शहरी तसेच ग्रामीण भागातील महिलांची मते जाणून घेऊन त्यांच्या स्वप्नातील गोवा तयार करण्याच्या उद्देशाने ‘गोमन्‍तक’ने हा उपक्रम हाती घेतला आहे. हाऊसिंग बोर्ड भागातील महिलांनी त्यात उत्स्फूर्तपणे सहभाग घेतला.

तसेच कुडचडे मतदारसंघात आज शेळवण व गावठणवाडा येथे हे सर्वेक्षण करण्यात आले. या भागातील तरुण तसेच वयस्कर महिला त्यात सहभागी झाल्या होत्या. एका अभिनव उपक्रमात आपण सहभागी झाल्याचे समाधान त्यांच्या चेहऱ्यावर दिसत होते.