Road Accident: कुंकळ्ळी येथे अपघातात नवविवाहितेचा जागीच मृत्यू

Road Accident in Goa: कुंकळ्ळीत अपघातांचे सत्र सुरूच असून सोमवारी व मंगळवारी वेगवेगळ्या अपघातांत चार जणांना जीव गमवावा लागला होता.

काल दुपारी दीडच्या सुमारास ओमिनी व्हॅन आणि स्कुटरच्या धडकेत नवविवाहिता वृत्ता प्रभू (24) यांचा मृत्यू झाला. त्या एका खासगी बँकेत कामाला होत्या.

मुळ ताळगाव-पणजी येथील रहिवाशी असलेल्या वृत्ता यांचा 16 डिसेंबरला सावरकटा येथील सिद्धेय आंगले यांच्याशी विवाह झाला होता. बुधवारी दुपारी जेवणासाठी बँकेतून त्या घरी जात होत्या.

यावेळी कुंकळ्ळी बाजार परिसरातील कुराडे क्लिनिकजवळ स्कुटर आणि समोरून येणाऱ्या ओमिनी व्हॅनचा अपघात झाला. यात दुचाकीस्वार वृत्ता यांच्या डोक्याला गंभीर मार लागून त्यांचा जागीच मृत्यू झाला.