काणकोण: महाराष्ट्र (Maharashtra), केरळ (Kerala) व तामिळनाडू (Tamil Nadu) राज्यातून कर्नाटकात प्रवेश करणाऱ्या प्रवाश्यांवर निर्बंध कर्नाटक प्रशासनाने घातले आहेत. कोरोनाचा नवीन घातक व्हेरियंट सापडल्याने हे निर्बंध घालण्यात आले आहेत. गोव्यातून (Goa) कर्नाटकात प्रवेश करणाऱ्या प्रवाश्याची माजाळी तपासणी नाक्यावर कडक तपासणी करण्यात येत आहे.
कोरोना लसीकरणाचे (Vaccination) दोन डोस त्याचबरोबर 72 तासांपूर्वी कोविड निगेटिव्ह दाखला असलेल्यांनाच प्रवेश देण्यात येत आहे. त्याशिवाय राज्यातील प्रार्थना स्थळे प्रवेशावरही निर्बंध घालण्यात आले आहेत. रेस्टॉरंट,लॉजींगमधील कर्मचाऱ्यांची प्रत्येक दहा दिवसानंतर वैद्यकीय तपासणी करणे बंधनकारक करण्यात आले आहे असे जिल्हाधिकारी मुलेय मुगळी व पोलिस अधिक्षक सुमन पेडणेकर यांनी सांगितले.सर्वाना करोनाचे सर्व नियम पाळणे बंधनकारक आहे जे नियमाचे उल्लंघन करतील त्यांच्यावर आपत्कालीन व्यवस्थापन कायद्याखाली कारवाई करण्यात येणार असल्याचे त्यांनी सांगितले.माजाळी त्याचप्रमाणे भटकळ तपासणी नाक्यावर पोलिस प्रवाश्याची या संदर्भात तपासणी करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
