पणजी- दीनदयाळ स्वास्थ्य सेवा योजनेंतर्गत (डीडीएसएसवाय) सरकारमान्य खासगी इस्पितळामध्ये कोविड उपचार उपलब्ध करण्यासंदर्भात सरकारने जारी केलेली अधिसूचना आज रद्द करून ती तूर्त स्थगित ठेवण्यात आल्याची माहिती आरोग्यमंत्री विश्वजित राणे यांनी दिली आहे. या योजनेतून सरकारमान्य खासगी इस्पितळात विनाशुल्क उपचार घेण्याची सोय उपलब्ध करण्यात आली होती व त्यासाठीची पॅकेजही या अधिसूचनेत निश्चित करण्यात आली होती. ही पॅकेज या सरकारमान्य खासगी इस्पितळांनी मान्य केली नाही.
सरकारने अगोदरच सुधारित दरामध्ये कोविड उपचार देण्यासंदर्भाचे पॅकेज खासगी इस्पितळांना जारी केली आहे. त्यामुळे ही अधिसूचना रद्द करण्याचा निर्णय मुख्यमंत्र्यांशी सल्लामसलत केल्यानंतर घेण्यात आला आहे, असे राणे यांनी सांगितले. ही अधिसूचना रद्द करण्यात आल्याने दीनदयाळ स्वास्थ्य सेवा योजनेंतर्गत सरकारमान्य खासगी इस्पितळांमध्ये कोविड उपचार उपलब्ध करण्यासंदर्भातची फाईल पुन्हा नव्याने सरकारकडे पाठविली जाईल व अगोदरची अधिसूचना रद्द करून नवीन अधिसूचना काढली जाईल. सरकारी इस्पितळामध्ये कोविड उपचार मोफत दिला जात असल्याचे ते म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.