कोरोनाच्या नव्या व्हेरियंटमुळे गोवा सरकार अ‍ॅक्शन मोडवर..!

Covid 19 variant Omicron : दक्षिण आफ्रिकेमधून (South Africa) कोरोनाचा (corona) नवीन स्ट्रेन SARS-CoV-2 ओमिक्रॉन पुन्हा जगभर पसरत असून हा विषाणू डेल्टा व्हेरियंटपेक्षा सात पटीने जास्त पसरत आहे. ही आपल्यासाठी धोक्याची घंटा आहे; या विषाणुच्या प्रकारामुळे आता भारत सरकार आणि देशातील सर्व राज्य सरकारे सतर्क झाली असून गोवा सरकारही आता अॅक्शन मोडमध्ये आले असून, राज्यात कडक निर्बंध करण्याच्या हलचालींना वेग आला आहे.

COVID-19 स्ट्रेन च्या नव्या स्ट्रेन (ओमिक्रॉन) संदर्भात सरकार मंगळवारी बैठक झाली असून,विमानतळ आणि रेल्वे स्थानक या ठिकाणी आधीच निर्बंध घालण्यात आले आहेत. इयत्ता 6 वी खालील वर्गांसाठी शाळा पुन्हा सुरू करण्याबाबतचा निर्णय पुन्हा एकदा लांबणीवर पडला आहे. सनबर्न होणार की नाही यावरसुद्धा साशंका आहे.

गोवा विमानतळावरील बदलण्यात आलेले प्रोटोकॉल

विमानतळ संचालकांनी दिलेल्या माहिती नुसार गोवा विमानतळावरील प्रोटोकॉलकेंद्राच्या निर्देशानुसार बदलण्यात आले असून, जोखीम असलेल्या देशांतील प्रवाशांची (यूके समाविष्ट) भारतात आल्यानंतर चाचणी करणे अनिवार्य असणार आहे; दरम्यान या निर्बंधाचा चार्टर फ्लाइट्सवर देखील परिणाम होऊ शकतो. केंद्राने जारी केलेल्या मार्गदर्शक तत्त्वांचे पालन करेलच परंतु आता लोकांनी देखील आता सर्व खबरदारी घेणे आवश्यक आहे