पणजी: कळंगुट येथील सौझा लोबो रेस्टॉरंट तोडफोडप्रकरणी पोलिसांनी न्यायालयात आरोपपत्र सादर केले आहे. यातील मुख्य सूत्रधार असलेला संशयित गजेंद्र सिंग ऊर्फ छोटू याला आज सर्वोच्च न्यायालयाने जामीन नाकारला. त्यामुळे जामिनावर सुटका होण्याची त्याची सर्व दारे बंद झाली आहेत. या प्रकरणातील काही संशयित अजूनही फरार आहेत. (Court rejects Gajendra Singh's bail in restaurant vandalism case in Calangute Goa )
संशयित गजेंद्र सिंग ऊर्फ छोटू याने या प्रकरणात अटक होण्यापूर्वी कळंगुट भागात काही दिल्लीतील वरिष्ठ पोलिस अधिकाऱ्यांच्या आशीर्वादाने दबदबा निर्माण केला होता. त्याच्या वर्चस्वामुळे कळंगुट परिसरातील अनेक व्यावसायिक त्याला घाबरत होते. त्याने काही बाऊन्सरही ठेवून दहशत निर्माण केली होती.
या प्रकरणात अटक केल्यानंतर त्याने न्यायालयीन कोठडीत रवानगी झाल्यानंतर प्रथमश्रेणी, सत्र तसेच उच्च न्यायालयात जामिनासाठी केलेले अर्ज फेटाळले होते. त्यामुळे त्याने सर्वोच्च न्यायालयात जामिनासाठी विशेष याचिका सादर केली होती.
सिली सोल्स'वर जाहीर चर्चा करा
आसगाव येथील कथित ‘सिली सोल्स कॅफे ॲण्ड बार’ प्रकरणावर केंद्रीय महिला आणि बालविकास मंत्री स्मृती इराणी यांनी सार्वजनिकरित्या चर्चा करण्यासाठी पुढे यावे, असे रोखठोक आव्हान सामाजिक कार्यकर्ते आयरिश रॉड्रिग्स यांनी केले आहे. अशी जाहीर चर्चा केल्याशिवाय गोव्यातल्या आणि देशभरातील लोकांना सत्य कळणार नाही, असेही रॉड्रिग्स यांचे मत आहे.
याबाबत रॉड्रिग्स म्हणाले, ‘सिली सोल्स’ची जागा आणि परवाने स्मृती इराणी यांच्या कुटुंबीयांच्या नावावर असल्याचा दावा कोणीही केलेला नाही. मात्र, हे हॉटेल ज्या कंपनीकडून चालवले जाते, त्या एइटॉल फूड ॲण्ड बेव्हरेजिस कंपनीचे संचालक इराणी यांचे पती आणि मुलगा हे संबंधित कंपनीचे संचालक आहेत.
या कंपनीचा पत्ता सिली सोल्स कॅफे ॲण्ड बार या पत्त्यावरच आहे. याशिवाय याच कंपनीचा जीएसटीसाठीचा पत्ताही तोच आहे, यावरून प्रथमदर्शनी हे हॉटेल इराणी यांच्या कुटुंबातील सदस्यांकडून चालवले जाते, हे सूर्यप्रकाशाइतके स्पष्ट होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
