Goa Accident News: हरवळे साखळी येथे एक भीषण अपघात घडला आहे. हा अपघात दुचाकी आणि ट्रक यांच्यात आज दुपारी झाला. अपघातात दुचाकीवरील दाम्पत्याचा जागीच मृत्यु झाला असून 1 वर्षांचा मुलगा जखमी झाला आहे.
याबाबत अधिक माहिती अशी की, हरवळ्याचे किशोर नाईक आणि त्यांची पत्नी व 1 वर्षांचा मुलगा दुचाकीवरुन सत्तरी होंडाच्या दिशेने जात होते. यावेळी ते सुपाची कुड-हरवळे येथे आले असता ट्रकला ओव्हरटेक करताना हा अपघात घडला.
या अपघातात नाईक दाम्पत्याचा जागीच मृत्यु झाला तर त्यांच्या एक वर्षाच्या मुलाच्या हाताला फ्रॅक्चर झाले आहे. याबाबतची माहिती मिळताच पोलिस घटनास्थळी दाखल झाले असून पुढील तपास करीत आहे.
अशीच एक अपघाताची घटना मंगळवारी रात्री म्हापसा येथे घडली. या अपघातात एक युवकाचा जागीच मृत्यु झाला तर लहान मुलीसह चार जण गंभीर जखमी झाले. हा अपघात मंगळवारी रात्री 11.30 च्या सुमारास घडला.
कळंगुट- म्हापसा मार्गावर बोडगिणी येथे रात्री 11.30 च्या सुमारास दोन दुचाकींमध्ये भीषण अपघात झाला. या अपघातात सदाम खान (रा. काणका) या तरुणाचा मृत्यू झाला तर लहान मुलीसह चार जण गंभीर जखमी झाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.