Goa News : केंद्रीय आणि राज्याच्या प्रशासकीय यंत्रणेसाठी महत्त्वाची भूमिका बजावणाऱ्या देशातील लोकसेवा आयोगाच्या अध्यक्षांची राष्ट्रीय परिषद लखनौ येथे पार पडली. उत्तर प्रदेशचे मुख्यमंत्री योगी आदित्यनाथ यांनी या परिषदेचे उद्‌घाटन केले.
युपीएससीचे सदस्य राजू चौबे, लेफ्टनंट जनरल राज शुक्ला, गोवा आयोगाचे अध्यक्ष जोस मान्यूएल नोरोन्हा आणि इतर मान्यवर उपस्थित होते. यावेळी बोलताना मुख्यमंत्री योगी म्हणाले, लोकसेवा आयोगाचा कारभार जास्तीत जास्त पारदर्शक आणि कार्यक्षम होणे गरजेचे आहे. या परिषदेत देशातील लोकसेवा आयोग संबंधित अनेक मुद्द्यांवर सविस्तर चर्चा झाली.
देशभरातील 25 राज्यांनी यात सहभाग घेतला. परिषदेचा महत्त्वाचा अजेंडा डिजिटल मूल्यमापन, भरती नियम रचना, सार्वजनिक सेवा आयोगाच्या प्रणालीमध्ये न्यायालयीन निर्णय आधी विषय होते. सर्वोच्च न्यायालयाचे न्यायमूर्ती राजेश बिंदल यांच्या उपस्थितीत या परिषदेची सांगता झाली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.