Subhash Shirodkar : ऑर्गेनिक शेती सहकार क्षेत्राखाली आणण्याचा सरकारचा विचार : सुभाष शिरोडकर

Subhash Shirodkar : ऑर्गेनिक कृषी उत्पादनांना संपूर्ण जगात वाढती मागणी असल्याने ऑर्गेनिक शेती सहकार क्षेत्राखाली आणण्यासाठी सरकारचा प्रयत्न असेल अशी महिती सहकार मंत्री सुभाष शिरोडकर यांनी दिली.

मडगाव येथील दक्षिण गोवा सहकार सोसायटी रजिस्ट्रार कार्यालयाचे आज फातोर्डा येथील जलसिंचन खात्याचा इमारतीत स्थलांतर करण्यात आले. त्यावेळी त्यांनी ही माहिती दिली. हे उत्पादन सहकारी सोसायट्यांच्या मार्फत निर्यात करण्याचा सरकारचा मानस असल्याचे त्यांनी सांगितले.

मांडप नावेली येथे सहकार भवन उभारण्याची योजनाही त्यांनी बोलून दाखविली. सहकारी सोसायट्यांचा कारभार व्यवस्थित चालू आहे की नाही हे पाहण्यासाठी अधिकाऱ्यांकडून नियमित तपासणी केली जाणार असल्याची माहिती त्यांनी दिली.

शिरोडकर हे जलसंसाधन मंत्री असून अमृत सरोवर योजनेखाली राज्यातील सुमारें 120 तळ्यांचे संवर्धन करण्यात येणारं असून मार्च महिन्यात या कामाला सुरुवात होणार असल्याचे त्यांनी सांगितले.