Mapusa: बोडगेश्वर जत्रेत ‘हलाल’ प्रमाणित दुकानावरुन वाद, दुकान हटविण्याची हिंदू संघटनेची मागणी

Bodgeshwar Jatra Mapusa Goa

म्हापसा: येथील श्री बोडगेश्वर जत्रोत्सवात ‘हलाल प्रमाणित’ चिकन विक्री करणारे दुकान उभारण्यात आल्याने वाद निर्माण झाला आहे. काही हिंदू भाविक आणि संघटनांनी यावर आक्षेप घेत, या दुकानाच्या तत्काळ हटविण्याची मागणी केली आहे.

हिंदू संघटनेच्या मते, बोडगेश्वर जत्रा हिंदू श्रद्धास्थळ असल्याने ‘हलाल’ प्रमाणित खाद्यपदार्थ विक्री अनुचित आहे. याला ‘भूक जिहाद’ संबोधून भाविकांना हलाल अन्नग्रहण करायला भाग पाडले जात असल्याचा आरोप करण्यात आला आहे.

या संदर्भात म्हापसा पोलिस ठाण्यात तक्रार दाखल करण्यात आली असून, प्रशासनाने त्वरीत कारवाई न केल्यास कायदा आणि सुव्यवस्थेचा प्रश्न निर्माण होऊ शकतो, असा इशारा हिंदू संघटनेकडून देण्यात आला आहे. पोलिसांकडून अधिकृत प्रतिक्रिया मिळालेली नसली तरी, वाढत्या तणावामुळे प्रशासन लवकरच निर्णय घेण्याची शक्यता आहे.