पणजी: सेवेत कायम करावे या मागणीसाठी आझाद मैदानावरुन (Azad Maidan) विधानसभेकडे मोर्चा नेण्याच्या प्रयत्नात असलेल्या कंत्राटी शिक्षकांना (Contract Teachers) पोलिसांनी (Police) अटक केली व त्यांना आगशी येथे नेले. याबाबत सविस्तर वृत्त असे की गेली पंधरा वर्षे कंत्राटी पद्धतीवर पेरा शिक्षक तथा शिक्षण सेविका म्हणून काम करणाऱ्या 129 शिक्षिका आपणाला सरकारची सेवेमध्ये कायम करावे या मागणीसाठी अनेक वर्षे आंदोलन करत आहेत .
त्यांच्या वेतनात जरी वाढ करण्यात आली असली तरी त्यांना सेवेत कायम करण्यात आलेले नाही. त्यामुळे आपणाला सेवेत कायम करावे या मागणीसाठी आज गोवा विधानसभेवर मोर्चा नेण्यासाठी आझाद मैदान येथे हे शिक्षक जमले होते. मोर्चाला परवानगी काढण्यात न आल्याचे सांगून पोलिसांनी त्यांना तिथेच अटकाव केला. पोलिसाशी बराच वेळ चर्चा केल्यानंतर पेरा शिक्षकांनी पोलिसांना न जुमानता विधानसभेवर मोर्चा नेण्यासाठी आझाद मैदानाच्या बाहेर येण्याचा प्रयत्न केला. त्यावेळी पोलिसांनी त्यांना अटक करून वाहनांमध्ये बसवले व आगशी पोलीस स्थानकावर नेले.
पेरा शिक्षकांच्या आंदोलनाला विरोधी पक्षांच्या विविध नेत्यांनी पाठिंबा व्यक्त केला होता. मात्र आज आंदोलन करण्यास व मोर्चाच्या वेळी विरोधी पक्षाचा नेता व कार्यकर्ता पेरा शिक्षकासोबत आला नाही. काही झाले तरी आम्ही आंदोलन पुढे नेणारच. व आम्हाला सेवेत कायम करेपर्यंत आंदोलन सुरूच ठेवणार. अशी माहिती पेरा शिक्षक संघटनेच्या अध्यक्षा स्मिता देसाई यांनी दिली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
