मडगाव: उत्तराखंडातील हल्द्वानी येथे काँग्रेस अध्यक्ष मल्लिकार्जुन खर्गे यांच्या सभास्थळाचे कथित जातीय ‘शुद्धीकरण’ केल्याच्या निषेधार्थ वक्तव्य केल्याप्रकरणी लोकसभेतील विरोधी पक्षनेते राहुल गांधी यांच्याविरोधात दाखल केलेला ‘एफआयआर’ तातडीने मागे घ्यावा, या मागणीसाठी गोवा काँग्रेसने सोमवारी जोरदार आंदोलन केले.
उत्तर गोवा व म्हादई जिल्हा काँग्रेस समित्यांतर्फे पणजीतील आझाद मैदानावर, तर दक्षिण गोवा काँग्रेसतर्फे मडगावात निषेध करण्यात आला. प्रदेशाध्यक्ष गिरीष चोडणकर, खासदार कॅ. विरियातो फर्नांडिस, तुलियो डिसोझा, अमरनाथ पणजीकर, समील वळवईकर, राजन घाटे, शशांक नार्वेकर, अर्चित नाईक यांच्यासह पदाधिकारी व कार्यकर्ते सहभागी झाले.
राहुल गांधींचा आवाज ‘एफआयआर’ने दडपता येणार नाही, असा इशारा काँग्रेस नेत्यांनी दिला. कथित शुद्धीकरण करणाऱ्यांवरही तातडीने कारवाई करावी, अशी मागणी करण्यात आली. संविधानिक समानता, सामाजिक न्याय आणि नागरिकांच्या प्रतिष्ठेसाठी काँग्रेसचा संघर्ष सुरूच राहील, असा निर्धार यावेळी व्यक्त करण्यात आला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
