Carlos Ferreira: प्रस्तावांच्या फाईल्स सहा-सहा महिने राहतात पडून

सरकार दरबारी येणाऱ्या प्रस्तावांच्या फाईल्स सहा-सहा महिने पडून राहतात, हा सर्व प्रकार गैरव्यवस्थापनाचा आहे, असा आरोप काँग्रेसचे आमदार कार्लोस फेरेरा यांनी केला आहे.

जुन्ता हाऊसमधील जिल्हा ग्राहक तक्रार निवारण आयोगाच्या कार्यालयाची दुरावस्था झाली असून त्याची पाहणी त्यांनी केली. त्यावेळी ते बोलत होते. सरकारी इमारतीकडे सरकारचेच लक्ष नाही, अशी स्थिती आहे. अनेक सरकारी इमारती असुरक्षित आहेत, तरीही त्याठिकाणी लोक काम करीत आहेत. टोंक येथील पशुसंवर्धन खात्याच्या रुग्णालयाची इमारतही धोकादायक आहे, तरीही तिथे लोक काम करीत आहेत.

सरकार एकदा इमारत बांधली की, त्याच्या संवर्धनाची जबाबदारी घेत नाही. जिल्हा ग्राहक तक्रार निवारण आयोगाच्या कार्यालयाची दुरावस्था झाली आहे, सरकारी कार्यालये असणारे जुन्ता हाऊस असुरक्षित आहे. तरीही याठिकाणी कार्यालये सरकारने ठेवली आहेत, ही बाब अत्यंत गंभीर आहे.