काँग्रेसचे गोवा प्रभारी दिनेश राव उद्या गोव्यात

पणजी : अखिल भारतीय काँग्रेस समितीचे गोवा प्रभारी दिनेश गुंडू राव हे २२ व २३ डिसेंबरला दोन दिवस गोवा दौऱ्यावर येत आहेत. यावेळी ते बैठका घेऊन पक्षाचे आमदार, पदाधिकारी, जिल्हा पंचायत उमेदवारांना पणजी, म्हापसा व मडगाव कार्यालयात भेटणार आहेत व त्यांच्याकडून जिल्हा पंचायतीमधील पराभवामागील कारणे ऐकून घेणार आहेत. जिल्हा पंचायत निवडणुकीत काँग्रेसचा धुव्वा उडाल्याने काँग्रेस प्रदेशाध्यक्ष गिरीश चोडणकर यांनी पराभवाची नैतिक जबाबदारी स्वीकारून पदाचा राजीनामा दिला होता.