Bicholim News : काँग्रेस उमेदवारांचा परिणाम नाही : मुख्यमंत्री डॉ. सावंत

Bicholim News :

डिचोली, काँग्रेस पक्षाचे उमेदवार कोण? त्याचा भाजपवर कोणताही परिणाम होणार नाही. उलट गोव्यातील उत्तर आणि दक्षिण या दोन्ही लोकसभा मतदारसंघातून भाजप उमेदवारांचा विजय निश्चित आहे, असा ठाम विश्वास मुख्यमंत्री डॉ. प्रमोद सावंत यांनी व्यक्त केला.

शनिवारी सायंकाळी मुळगाव-डिचोली येथे पत्रकारांशी संवाद साधताना मुख्यमंत्र्यांनी हा विश्वास व्यक्त केला. मी प्रतिनिधित्व करीत असलेल्या साखळीसह डिचोली तालुक्यातील तिन्ही मतदारसंघात मिळून भाजप उमेदवाराला मतांची सर्वाधिक आघाडी अपेक्षित आहे, असे मुख्यमंत्री डॉ. सावंत म्हणाले.

कार्यकर्त्यांचे बळ!

लोकसभा निवडणुकीत भाजप उमेदवारांच्या विजयासाठी भाजपचे कार्यकर्ते जोमाने कामाला लागले आहेत. कार्यकर्त्यांचे बळ आणि जनतेच्या आशीर्वादामुळे गोव्यातील दोन्ही मतदारसंघात भाजपचे ''कमळ'' निश्चित फुलणार.

असा विश्वासही मुख्यमंत्री डॉ. सावंत यांनी व्यक्त केला. उत्तरेतून श्रीपाद नाईक एक लाखाहून अधिक मते, तर दक्षिणेतून पल्लवी धेंपे ६० हजाराहून अधिक मते मिळवून विजयी होणार, असा विश्वासही मुख्यमंत्र्यांनी व्यक्त केला.