निवडणुकीनंतर गोवा काँग्रेसमध्ये संघटनात्मक बदल; अमित पाटकर गोवा काँग्रेस प्रदेशाध्यक्ष

पणजी : देशात पार पडलेल्या पाच राज्यांच्या विधानसभा निवडणूकींचा निकाल लागला असून भाजपने चार राज्यात तर आप ने पंजाबमध्ये सत्ता काबीज केली आहे. मात्र देशातील सर्वात जुन्या पक्षाला सत्ता खेचून आणता आलेली नाही. यावरून काँग्रेस या पाचही राज्यात संघटनात्मक बदल करण्याचे ठरवले होते. त्याप्रकारे इतर राज्यात तसे बदल केले जात आहेत. तसाच बदल गोव्यात ही झाला असून गोवा काँग्रेसमध्ये संघटनात्मक बदल करण्यात आले आहेत. (Congress appoints Amit Patkar as the President of Goa Pradesh Congress Committee)

काँग्रेसने गोवा प्रदेश काँग्रेस कमिटीच्या अध्यक्षपदी अमित पाटकर आणि कार्लोस फरेरा यांची यांची 'मुख्य व्हिप' म्हणून नियुक्ती झाली आहे. तर मायकेल लोबो यांची विधिमंडळ पक्ष नेतेपदी नियुक्ती करण्यात आली असून गोव्याचे माजी मुख्यमंत्री दिगंबर कामत यांना काँग्रेस अध्यक्षा सोनिया गांधी यांनी काँग्रेस (Congress) कार्यकारिणीचे स्थायी निमंत्रित सदस्य केले.

दरम्यान गोवा काँग्रेसमध्ये करण्यात आलेले हे बदल गोव्याच्या राजकारणात (Politics) आणि गोवा (Goa) काँग्रेसमध्ये कोणते परिणाम करतात हे पाहावे लागेल.