काँग्रेस पक्ष एकटा भाजपला पराभूत करूच शकत नाही: महुआ मोईत्रा

गोवा: गोवा तृणमूल कॉंग्रेसच्या प्रभारी, टीएमसी खासदार महुआ मोईत्रा यांनी काही दिवसांपूर्वी यांनी काँग्रेस आणि गोवा फॉरवर्डसोबत संभाव्य युतीचे संकेत देत महुआ मोईत्रा या चांगल्याच चर्चेत आल्या होत्या. काँग्रेस पक्ष एकटा भाजपला पराभूत करू शकत नाही, भाजपला पराभूत करण्यासाठी सर्व भाजप विरोधी पक्षांनी साथ दिली पाहिजे, एकत्रित आले पाहिजे आसे विधान करत महुआ मोईत्रा (Mahua Moitra) या पुन्हा एकदा चर्चेत आल्या आहेत. (Congress alone cannot defeat BJP statment by Mahua Moitra)

आगामी गोवा विधानसभा निवडणुकीत आपली छाप सोडण्यासाठी व भाजपला दणका देण्यासाठी तृणमूल कॉंग्रेस, काँग्रेस आणि गोवा फॉरवर्डसोबत जाण्याची शक्यता वर्तवली जात आहे. गोव्यात भाजपचा (BJP) पराभव करण्यासाठी शक्य ते सर्व प्रयत्न करू. यासाठी गोवा फॉरवर्ड पार्टी (Goa Forward Party), काँग्रेस, तृणमूल कॉंग्रेस आणि मगो पार्टी (MGP) एकत्रित येऊ शकतात, ममतांनी भूतकाळात हे केले आहे आणि त्या ते आताही करू शकता; असे महुआ मोईत्रा म्हणाल्या होत्या.