पणजी: विदेशी नागरिकांना राहण्यास भाडेपट्टीवर जागा देणाऱ्यांनी त्यांचा ‘सी फॉर्म 24’ तासात भरून पोलिस खात्याच्या एफआरआरओ विभागात देण्याची सक्ती आहे. त्याची अंमलबजावणी न करणाऱ्यांविरुद्ध कायदेशीर कारवाई केली जाईल असा इशारा पोलिस खात्याने दिला आहे. अनेक विदेशी गोव्यात वास्तव्य करतात मात्र त्याची माहिती दिली जात नसल्याचे तपासणीत आढळून आले आहे, अशी माहिती विभागाच्या अधिकाऱ्यांनी दिली.
(Compulsory ‘C form’ to foreign nationals)
राज्यातील हॉटेल्स, गेस्ट हाऊस, फ्लॅट मालक विदेशी नागरिकांना वास्तव्यासाठी जागा देतात त्यांनी कायद्यानुसार विदेशी नागरिकांची माहिती एफएफआरओ किंवा एफआरओ या विभागाकडे देणे गरजेचे आहे. ही माहिती देण्यासाठी पोलिस खात्याने ऑनलाईन सी फॉर्म उपलब्ध केले आहेत. या फॉर्मची प्रिंट काढून त्यावर स्वतःचे छायाचित्र लावून युजर आयडी देऊन अपलोड करता येतात त्यामुळे या पोलिस खात्याच्या विभागाकडे येण्याचीही गरज नाही, मात्र त्याचा उपयोग हॉटेल्स व गेस्ट हाऊस व्यवस्थापनाकडून केला जात नाही असे निदर्शनास आले आहे. राज्यात राहत असलेल्या विदेशी नागरिकांची माहिती एफएफआरओ विभागात असणे गरजेचे असल्याने ती देण्याचे आवाहन करण्यात आले आहे.
हॉटेल, गेस्ट हाऊसची तपासणी होणार..!
येत्या काही दिवसांनंतर राज्यातील हॉटेल्स तसेच गेस्ट हाऊसची अचानक तपासणी पोलिसांमार्फत केली जाईल. त्यावेळी सी फॉर्म न भरलेला विदेशी नागरिक आढळून आल्यास विदेशी नागरिक कायदा 1956 नुसार कलम 16 खाली व्यवस्थापन किंवा मालकावर कारवाई केली जाईल. ही कारवाई टाळण्यासाठी संबंधितांनी पोलिसांना सहाय्य करावे, असे आवाहन पोलिस खात्यातर्फे केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
