डिचोली मतदारसंघातील मुळगाव येथील नियोजित आणि महत्वाकांक्षी ''ईएसआय'' हॉस्पिटल प्रकल्पाला शिघ्रगतीने चालना द्या, अशी मागणी आमदार डॉ. चंद्रकांत शेट्ये यांनी केली आहे.
आमदार डॉ. शेट्ये यांनी आज (मंगळवारी) राज्यसभेचे खासदार सदानंद शेट तानावडे यांची भेट घेवून ''ईएसआय'' हॉस्पिटलचा प्रस्ताव त्यांच्यासमोर ठेवला. खासदार श्री. शेट तानावडे यांनी आमदारांच्या मागणीला सकारात्मक प्रतिसाद दिला. यावेळी ''ईएसआय''चे अधिकारी उपस्थित होते.
केंद्र सरकारच्या सहकार्याने मुळगाव येथे १५० खाटांचे ''ईएसआय'' हॉस्पिटल प्रकल्प उभारण्याचा प्रस्ताव आहे. दोडामार्ग रस्त्यावरील मुळगाव येथील जागेत हा प्रकल्प उभारण्याच्या हालचाली सुरु झाल्या आहेत. उत्तर गोव्यातील कामगारवर्गाला या इस्पितळामुळे उपचारासाठी चांगली सोय होईल. डिचोली, साखळी, वाळपईत परिसरातील कर्मचाऱ्यांनाही हे जवळेचे इस्पितळ ठरेल, असे कामगारवर्गाचे मत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.