महाराष्ट्रातून तिस्क - उसगाव येथील फिनोलेक्स कंपनीत आणल्या गेलेल्या तांब्याच्या प्लेटस् ची चोरी झाल्याची तक्रार फोंडा पोलिसांत करण्यात आली आहे. या चोरीप्रकरणी ट्रकचा संशयित चालक मूळ बीड - महाराष्ट्रातील अशोक याच्यावर संशय व्यक्त करण्यात येत असून सध्या तो गायब आहे. पोलिस त्याच्या शोधात आहेत.
तिस्क - उसगाव येथील फिनोलेक्स कंपनीसाठी महाराष्ट्रातून एमएच०९ एफएल ७५४७ या क्रमांकाच्या ट्रकमधून २६ टन तांब्याची प्लेटस् आणण्यात आल्या होत्या, मात्र वजन काट्यावर प्लेटस् सह ट्रकचे वजन केले असता अडिच टन तांब्याच्या प्लेटस् कमी असल्याचे निदर्शनास आल्यामुळे फोंड्यातील सुरेशकुमार शर्मा याने फोंडा पोलिसांत तक्रार नोंदवली.
ट्रकमधून गायब झालेल्या तांब्याच्या प्लेटस् ची एकूण किंमत २० लाख रुपये असून चोरी ५ ते ९ जुलै दरम्यान झाली असल्याचे तक्रारीत नमूद करण्यात आले आहे. हा ट्रक तांब्याच्या प्लेटस् घेऊन येत असताना चिपळूण - लांजा दरम्यानच्या प्रवासात या प्लेटस् गायब झाल्याचेही निदर्शनास आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.