काणकोण येथे जी बेकायदेशीर वृक्षतोड झाली आहे, त्यात सभापती रमेश तवडकर यांचा हात असून त्यात वन खात्याचे अधिकारीही सामील आहेत, अशा आशयाची तक्रार काँग्रेस नेते जनार्दन भंडारी व गोवा फॉरवर्ड नेते विकास भगत यांनी दक्षिण गोवा उप वनपालाकडे केली असून या प्रकरणी तवडकर व अन्य अधिकाऱ्यांविरोधात गुन्हा नोंद करावा, अशी मागणी केली आहे.
लोलये येथील शासकीय सुतारकाम केंद्रातील कथित बेकायदा लाकूड वाहनात भरून आज स्थलांतरित करण्यात आले. हे लाकूड बेकायदा असल्याचा पर्दाफाश बुधवारी काँग्रेसचे जनार्दन भंडारी व गोवा फॉर्वर्डचे विकास भगत यांनी केला होता.
त्यानंतर हे लाकूड बेकायदा नसून ते 18 एप्रिलला वनखात्याकडून लिलाव पद्धतीने विकत घेण्यात आले आहे. त्यासंदर्भात गावडोंगरी येथील अशोक वेळीप यांच्या नावे 24 एप्रिलला वन अधिकाऱ्यांच्या सहीनिशी काढलेली 38500 व 963 रुपयांची पोच पावती प्रसारमाध्यमांना सभापती रमेश तवडकर यांनी दिली होती. जे लाकूड कायदेशीर असून ते शासकीय सुतारकाम केंद्रात कापण्यात आले त्याची वाहतूक करण्यास परवानगी दिल्याचे वनखात्याच्या अधिकाऱ्यानी दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
