Goa : कोलवाळमधून तब्बल 2.8 लाखांचा अवैध गुटखा जप्त

योगेश मिराशी

म्हापसा : गुटख्याचा अवैध साठा करीत, राज्यातील विविध भागांत त्याचे वितरण केल्याप्रकरणी कोलवाळ पोलिसांनी दीपेंदू चौधरी नामक संशयितास अटक केली. या गुटख्याची किंमत अंदाजे 2 लाख 80 हजार असून, कोलवाळ पोलिसांनी सदर कारवाई करीत संशयितास मुशीरवाडा-कोलवाळ येथून अटक केली.

पोलिसांनी गोवा आरोग्य कायदा कलम 87(फ) अन्वये संशयिताविरुद्ध गुन्हा दाखल केला आहे. कोलवाळ पोलीस निरीक्षक सोमनाथ माजीक, उपनिरीक्षक सुशांत सांगोडकर, हेड कॉन्स्टेबल सीताराम चोडणकर, कॉन्स्टेबल रामा नाईक, सुधीर परब व परेश नाईक यांनी छापा टाकत सदर कारवाईत भाग घेतला. पोलीस उपअधीक्षक जिवबा दळवी यांचे पथकाला मार्गदर्शन लाभले.