Colvale Police: पोलिस ऑन ड्युटी 24 तास कार्यरत असतात. तथापि, कौतूकाचे क्षण त्यांच्या वाट्याला फार कमीच येत असावेत. गोव्यातील कोलवाळ येथील दोन पोलिस अधिकाऱ्यांचे मात्र एका महिलेने कौतूक केले आहे. तिने पाठवलेले पत्र देखील सोशल मीडियाच सध्या व्हायरल झाले आहे.
या व्हायरल पत्रात पत्र लिहिणाऱ्याची ओळख नाव खोडून लपवली गेली आहे.
या पत्रात म्हटले आहे की, कोलवाळ पोलिस स्टेशन येथील पोलिस निरीक्षक विजय राणे आणि पोलिस उपनिरीक्षक सोनम वेर्णेकर यांनी लहान मुलांचे लैंगिक शोषण करणाऱ्या जॅक विलीब्रॉड रिबेरो याच्याविरोधात कारवाई करताना जी तत्परता दाखवली ती कौतूकास्पद आहे.
या प्रकरणात या अधिकाऱ्यांनी अथक प्रयत्न केले. त्यामुळे मी आणि माझ्या पतीच्या वतीने या दोघांनाही धन्यवाद. आम्ही तुमच्याप्रती कृतज्ञ आहोत. या प्रकरणातील तुम्ही वेगाने केलेली कारवाई, तुमची कामावरील निष्ठा दुर्लक्षित राहू नये म्हणून हे पत्र लिहित आहे.
तुमच्यासारख्या अधिकाऱ्यांमुळेच आम्हाला आणि पर्यायाने सर्व समाजाला सुरक्षित वाटते. तुम्ही दिलेल्या सेवेबद्दल पुन्हा एकदा धन्यवाद.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.