Colva Police: वाहतुकीला अडथळा, पोलिसांची कारवाई

रस्त्याच्या बाजूला हातगाडी लावून वाहतुकीला अडथळा आणल्याबद्दल कोलवा पोलिसांनी १९ वर्षीय विक्रेत्याविरुद्ध गुन्हा दाखल केला. कोलवाचे उपनिरीक्षक प्रथमेश महाले यांनी ही कारवाई केली आहे.

१ जुलै रोजी दुपारी १२.२० वाजण्‍याच्या सुमारास उपनिरीक्षक महाले हे गस्तीवर असताना संदीप पुंडलिक गायकवाड हा मडगाव-कोलवा रस्त्यावर कार पार्क करून प्लास्टिकच्या वस्तूंची विक्री करीत होता. त्यामुळे वाहतुकीस अडथळा निर्माण झाला होता.