सरकारान पंचायतीचेर प्रशासक नेमपाचो निर्णय घेतला. सर्वोच्च न्यायालयाच्या मागासवर्गीय आरक्षणाची TRIPLE TEST ची अट पुराय जावंक नाशिल्ल्यान सरकाराक हो निर्णय घेवचो पडला. मुख्यमंत्री प्रमोद सावंतान ही म्हायती दील्या. वेंचणुको पावसाळो जावन तीन म्हयन्या उपरांतच जातल्यो अशेंय मुख्यमंत्री सांगता. सध्या आशिल्ल्या पंचयतीचो प्राझ 19 जुनाक सोंपता. TRIPLE TEST घेवन अहवाल दिवचो अशी शिफारस करुन सरकारान वेंचणुक आयोगाकडेन FILE धाडिल्ल्याचे मु्ख्यमंत्री सांगता.
SUNBURN FESTIVALआंत दर वर्सा किमान 2 तरी तरनाटें DRUG OVERDOSE न मरतात, आनी असलें FESTIVAL भाजप सरकार गोंयांत हाडपाक सोदता असो प्रस्न आम आदमी पक्षान भाजप सरकाराक केलां. आमी पयल्याच फावट अशी गजाल पळयतात की सरकार स्वतः SUNBURN सरके FESTIVAL आयोजीत करपाक सोदता. हाज्या वयल्यान कळून येतां की सरकाराची मोख फकत भ्रष्टाचार हो आसा, असो खर आरोप आम आदमी पक्षान भाजपा सरकाराचेर केलां.
साळ न्हंयत सांडपाणी सोडतात हाचेविशीं आपल्याक जाणविकाय आसा, हे प्रस्नाचो आपणे अभ्यास केला आनी 2022 मेरेन मडगांव आनी फार्तोड्ड्याचे सांडपाणीयाचे प्रकल्प प्रकल्प पुराय करतले अशें उतर भौशिक बांदकाम मंत्री निलेश काब्रालान दिला. प्रकल्प तयार जाले उपरांत आनी घरां पायपलायनीक जोडले उपरांत सांडपाणी सोडप्यांक ख्यास्त करतले अशी शिटकावणी निलेश काब्रालान दिल्या.
ज्येष्ट फुडारी कपील सिब्बलान 30 शेक वर्सां उपरांत कॉंग्रेस पक्ष सोडला. ताणे 16 तारकेर पक्षाचो राजीनामो दिलो. एक ज्येष्ट फुडाऱ्यान कॉंग्रेस सोडील्ल्यान पक्षाक हो व्हड धपको अशी चर्चा राजकी मळार जाता. मोदी सरकाराच्या धोरणांचो आनी निर्णयांचो विरोध करपाक एक घटमुट विरोधी, पुण अपक्ष पंगड उबो करपाची मोख दवरुन कपील सिब्बलान कॉंग्रेस सोडिल्ल्याचे तो सांगता. ईतले मजगतीं कपील सिब्बलान राज्यसभा खासदारकी खातीर समाजवादी पक्षाच्या तेंक्यान अपक्ष म्हण अर्ज भरला.
भाजपान विधानसभा वेंचणूकें पयलीं आपल्या जाहीरनाम्यांत गोंयकांरांखातीर ANTI CORRUPTION HELPLINE हाडटलें अशें जाहीर केल्ली ती HELPLINE खंय पावली असो प्रस्न आम आदमी पक्षान भाजप सरकराक केलां. भ्रष्टाचार हो फकत वोंचणूकेखातीरचो मुद्दो जावन उरलां. लोकांची दिशाभूल करून सत्तेर येवप आनी सत्तेर येना फुडे पयल्या दिसाकच्यान भ्रष्टाचार चालू जाता असो आरोपूय आम आदमी पक्षान केलां. तशेंच अटल सेतूचेर पडील्ली फोंडकुलां ही गर्मे खातीर न्हय जाल्यार चड जाल्ल्या भ्रष्टाचाराखातीर अशीय टिका केलीं.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
