National Games: गोव्यात राष्ट्रीय क्रीडा स्पर्धेला औपचारिक सुरुवात, CM सावंत यांच्या हस्ते उद्घाटन

National Games Goa: गोव्यात 37व्या राष्ट्रीय क्रीडा स्पर्धेला औपचारिक सुरुवात झाली आहे. ताळगाव पठारावरील डॉ. श्यामाप्रसाद मुखर्जी इनडोअर स्टेडिममध्ये आज (गुरुवार) बॅडमिंटनमधील स्पर्धांना सुरूवात झाली.

ऑलिंपिक तसेच आशियाई क्रीडा स्पर्धेत उद्‌घाटनापूर्वी काही खेळांचे सामने खेळविण्याची परंपरा आहे. ती आता गोव्यातील राष्ट्रीय क्रीडा स्पर्धेतही पाळली जात आहे.

मुख्यमंत्री प्रमोद सावंत यांच्या हस्ते स्पर्धेचे उद्घाटन झाले. यावेळी त्यांच्यासोबत क्रीडामंत्री गोविंद गावडे, आमदार कृष्णा साळकर, आमदार जेनिफर मोन्सेर्रात आणि इतर अधिकारी उपस्थित होते.

19 ते 21 ऑक्‍टोबरपर्यंत सांघिक पुरुष व महिला तर नंतर 22 ते 24 पर्यंत पुरुष व महिला गटातील एकेरी व दुहेरी गटातील स्पर्धा होईल. बॅडमिंटन स्पर्धेत देशाचे प्रमुख खेळाडू सहभागी नसले तरी नवोदितांकडून दमदार खेळाची अपेक्षा आहे.