Goa Liberation Day 2022: गोव्याचे राज्यपाल पी. एस. श्रीधरन पिल्लई यांनी गोव्यातील लोकांना ऐतिहासिक गोवा मुक्तीदिनाच्या शुभेच्छा व्यक्त केल्या आहेत. 1961च्या या गौरवशाली दिवशी, शेवटच्या पोर्तुगीज गव्हर्नर जनरलने विजयी भारतीय सशस्त्र दलांसमोर आत्मसमर्पण केले आणि पोर्तुगीज राजवटीतून गोव्याच्या स्वातंत्र्याचा मार्ग मोकळा केला.
गोवा मुक्तीच्या हीरक महोत्सवाच्या या ऐतिहासिक सोहळ्यात सहभागी होताना मला अभिमान वाटतो. या आजच्या दिवशी मी गोव्याच्या जनतेला माझ्या हार्दिक शुभेच्छा देतो, असे राज्यपालांनी आपल्या संदेशात म्हटले आहे.
स्वातंत्र्याचा प्रवास लांब आणि खडतर होता. गोव्यातील आणि भारताच्या इतर भागांतील स्वातंत्र्यसैनिकांनी त्यांच्या मुक्तीच्या लढ्यात असंख्य यातना सोसल्या आणि बलिदान दिले. या ऐतिहासिक दिवशी आपण शूर सैनिकांना तसेच उत्साही आणि निःस्वार्थी स्वातंत्र्यसैनिकांना अभिवादन करणे योग्य आहे, असेही त्यांनी पुढे म्हटले आहे.
मुख्यमंत्री डॉ. प्रमोद सावंत (CM Pramod Sawant) यांनी 19 डिसेंबर 1961 रोजी 450 वर्षांच्या पोर्तुगीज राजवटीतून स्वातंत्र्य मिळविलेल्या आपल्या सुंदर राज्याच्या मुक्तीदिनाच्या गोव्यातील लोकांना शुभेच्छा दिल्या आहेत. हा दिवस खरोखरच ऐतिहासिक आणि उल्लेखनीय आहे.
गोवा मुक्तिसंग्रामातील दिग्गजांप्रती कृतज्ञता व्यक्त करून भावी पिढीला शांतता आणि सन्मानाने जगता यावे यासाठी आपल्या स्वातंत्र्यसैनिकांनी कठोर संघर्ष केला आणि आपल्या प्राणांची आहुती दिली. दीर्घकाळ चाललेल्या स्वातंत्र्य लढ्यात प्राणाची आहुती देणाऱ्या स्वातंत्र्यसैनिकांचे आज आपण स्मरण करतो, असे मुख्यमंत्र्यांनी आपल्या संदेशात म्हटले आहे.
तसेच मुख्यमंत्र्यांनी सर्व मतभेद विसरून एकत्रित प्रयत्नातून विकासाच्या ध्येयाकडे वाटचाल करण्याचे आवाहन केले. गोवा स्वच्छ, हिरवागार आणि शाश्वत ठेवण्याचा संकल्प आपण करूया. गोवा मुक्तीदिनाच्या सर्वांना शुभेच्छा, असेही मुख्यमंत्र्यांनी आपल्या संदेशात म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.