म्हापसा: पेडे-म्हापसा येथील जीवन आनंद संस्थेच्या वतीने पुन्हा एकदा आज म्हापसा बाजारपेठ परिसरात स्वच्छ्ता मोहीम राबविण्यात आली. रस्त्यावरील निराधारांसाठी संस्थेतर्फे पेडे-म्हापसा येथे कार्यरत असलेल्या आश्रमातील सुमारे बारा आश्रितांचे तसेच संस्थेच्या कार्यकर्त्यांचे या मोहिमेत योगदान लाभले.
ही स्वच्छ्ता मोहीम सकाळी साडेसात ते साडेदहा वाजेपर्यंत राबवण्यात आली. त्यासाठी नगराध्यक्ष शुभांगी वायंगणकर यांचेही सहकार्य लाभले, अशी माहिती संस्थेचे संस्थापक अध्यक्ष संदीप परब यांनी दिली.
या मोहिमेवेळी संस्थेचे विद्यमान सचिव संदीप परब, म्हापसा व्यापारी संघटनेचे अध्यक्ष श्रीपाद सावंत, संदेश बुर्ये, शिक्षिका पूनम बूर्ये यांचे मार्गदर्शन लाभले. तसेच त्यांनीही स्वत:हून या मोहिमेत सहभाग घेतला.
सदर मोहीम यशस्वी करण्यासाठी जीवन आनंद संस्थेचे कार्यकर्ते प्रसाद आंगणे, नरेश आंगणे, राहुल कांबळे, सुनील परब, सुशील, आनंद काळे, सचिन पुजारे, पल्लवी परब, श्वेता पुजारे व इतरांचेही योगदान लाभले. गोळा केलेला कचरा म्हापसा पालिकेच्या सहकार्याने कुचेली येथील कचरा प्रक्रिया प्रकल्पात नेण्यात आला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
