उद्या गोव्यात बारावीचा निकाल होणार जाहीर

पणजी : गोवा राज्य माध्यमिक आणि उच्च माध्यमिक शिक्षण मंडळाच्या वतीने घेण्यात आलेल्या बारावी परीक्षेचा निकाल 21 मे रोजी संध्याकाळी 5 वाजता जाहीर करण्यात येणार असल्याची माहिती शिक्षण मंडळाचे अध्यक्ष भगीरथ शेट्ये यांनी दिली. (Class 12th result to be declared on Saturday in Goa)

शिक्षण मंडळाने यंदा बारावीची परीक्षा दोन सत्रांत 18 केंद्रे आणि 72 उपकेंद्रांवर घेतली. या परीक्षेस राज्यभरातून 18 हजार 201 विद्यार्थी बसले होते. कला शाखेमध्ये 4 हजार 754, वाणिज्य शाखेतून 5 हजार 496, विज्ञान शाखेतून 5 हजार 77, तर व्यावसायिक शाखेतून 2 हजार 874 विद्यार्थी परीक्षेला बसले होते.