
गांधीजयंतीचे निमित्त तुरुंगातील पुरुष व महिला कैद्यांशी तुरुंगात जाऊन स्वतंत्र वार्तालाप करण्याचा कार्यक्रम चर्चेसकडून आयोजित केले आहेत, असा संदेश व्हायरल होत आहे. कमकुवत मनःस्थितीतील कैदी व त्यांच्या कुटुंबियांना हेरून ब्रेनवॉशिंग करून धर्मांतर घडवण्यासाठीच ही विशेष मोहिम चर्चने योजली आहे. असा आरोप हिंदू रक्षा महाआघाडीने केला आहे.
या संवाद कार्यक्रमाला सरकारने परवानगी दिली आहे, असा आरोप महाआघाडीने केला आहे. कैद्यांच्या मुलांच्या शिक्षणासाठी आणि कैद्यांना कायदा-सल्ल्याकरता वकिलाची फी ची तरतूद करण्यासाठी खास भिक्षा-वर्गणी या नावाने जनतेकडून पैसे गोळा करण्याची मोहिम चर्चने सुरू केलेली आहे. असेही महाआघाडीने म्हटले आहे.
या मोहिमेच्या अंतर्गत, जेलमधील 30 ते 50 पुरुष कैदी व 30 महिला कैदी अशा गटागटांनी वार्तालाप आयोजित करण्यात आलेले असून, प्रत्यक्ष तुरुंग महारक्षकांची परवानगी या उपक्रमाना मिळाल्याचे संदेश सर्वत्र गेलेले आहेत. असेही त्यांनी म्हटले आहे.
गांधी जयंतीला दोन ऑक्टोबर रोजी सकाळी नऊ ते 11.30 वाजेपर्यंतच्या या कार्यक्रमासाठी तुरुंग महारक्षक देखील उपस्थित राहणार आहेत.
जेलमध्ये घुसून अशा प्रकारे कैद्यांना सामील करून घेण्याच्या मोहिमेला दिलेली परवानगी सरकारने त्वरित मागे घ्यावी व अशा कार्यक्रमांचे समर्थन करण्यासाठी उपस्थित राहण्यावर आय.जी.पी.ना बंदी घालावी अशी मागणी हिंदू रक्षा महाआघाडी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.