Chorla Ghat Accident: चोर्ला घाटात भीषण अपघात! ट्रकचा चकणाचूर; एकाचा जागीच मृत्यू , दुसरा गंभीर

चोर्ला घाटातील वाइल्डरनेस्ट नेचर रिसॉर्टजवळ सकाळी ७:२४ वाजण्याच्या सुमारास भीषण अपघात झाला. घाटमाथ्यावरून जात असलेल्या ट्रकचा ताबा सुटल्याने तो रस्त्याच्या कडेला आदळल्याची प्राथमिक माहिती समोर आली आहे.

अपघाताची माहिती मिळताच वाळपई अग्निशमन दलाचे जवान तात्काळ घटनास्थळी दाखल झाले आणि त्यांनी बचावकार्य सुरू केले. अपघातात ट्रकमधील एकाचा जागीच मृत्यू झाल्याचे वृत्त आहे.

दुसरा व्यक्ती गंभीर जखमी झाला असून त्याला तत्काळ बाहेर काढून उपचारासाठी जवळच्या रुग्णालयात हलविण्यात आले. जखमीची प्रकृती चिंताजनक असल्याची माहिती सूत्रांनी दिली आहे. दरम्यान, या अपघातामुळे काही काळ वाहतूक विस्कळीत झाली होती.

पोलिसांनी घटनास्थळी पंचनामा करून अपघाताचे नेमके कारण शोधण्यास सुरुवात केली आहे. घाटरस्त्यावर तीव्र वळणे असल्याने चालकांनी विशेष खबरदारी घ्यावी, असे आवाहन प्रशासनाकडून करण्यात आले आहे.