Margao : ओल्ड रेल्वे स्टेशन परिसरात चोर बाजार सुरूच

Margao: चोरीचा माल रस्त्यावर बसून विक्री करणारे ओल्ड रेल्वे स्टेशन परिसरातील फेरीवाले कुठून येतात? त्यांना शहरातील राजकारण्यांकडून राजाश्रय मिळतो का? तसे नसेल, तर दर रविवारी जुने स्टेशन रस्त्यावरील पदपथांवर कब्जा करणाऱ्या फेरीवाल्यांकडे मडगाव नगरपालिकेचे अधिकारी आणि मडगाव पोलिसांनी का डोळेझाक केली आहे? असा प्रश्न मडगावमधील रहिवाशांकडून उपस्थित करण्यात येत आहे.

स्थानिक पातळीवर ‘चोर बाजार’ म्हणून ओळखला जाणारा रविवारचा बाजार मडगाव स्टेशन रस्त्यावर पुन्हा एकदा भरू लागला आहे. यात चोरीच्या साहित्याची विक्री करण्यात येते. या चोर बाजारात मोबाईल, कपडे, इलेक्ट्रिकल वस्तू दुर्मीळ वस्तूंची विक्री होत असते.

त्यांना पाठबळ कोणाचे?

याविषयी माहिती देताना नगरपालिकेच्या एका अधिकाऱ्याने सांगितले की, या प्रकरणी कारवाई करण्यात येते. मागील महिन्यांत दोनवेळा कारवाई करण्यात आली आहे. मात्र, अशा विक्रत्यांना पाठबळ कोण देतो, याविषयी आपण काही सांगू शकत नाही.