Chinchinim Death News: रस्त्यात गाय आडवी आली अन् दोन दुचाकींना बसली कारची धडक; एकाचा दुर्दैवी अंत

Chinchinim Accident Death News: वागातोर अपघात मृत्यू प्रकरण ताजेच असताना आज सकाळी (शुक्रवार) गुडी चिंचणी येथे एकाचा मृत्यू झाला आहे. दोन दुचाकी आणि चारचाकीमध्ये हा अपघात घडला. गुडीच्या दिशेने येत असलेल्या i-20 कारची रस्त्यावरील गाईला धडक बसली.

उपलब्ध माहितीनुसार, गुडीच्या दिशेने येत असलेल्या कारचालकाची (शेल्टन फुतार्दो, ओर्ली) धडक रस्त्यात आडव्या आलेल्या गाईला बसली. त्यानंतर चालकाचे कारवरील नियंत्रण सुटले आणि समोरून येणाऱ्या दोन दुचाकी आणि कारमध्ये जोरदार टक्कर झाली.

यामध्ये दोन दुचाकींवरील आग्नेल रिबेलो (19), मेक्लोइड रिबेलो (17) आणि अबनेर परेरा (21) हे तिघेही जखमी झाले. हा अपघात इतका भीषण होता की, यामध्ये आग्नेल रिबेलो याचा मृत्यू झाला आहे.

तसेच कारची धडक बसलेल्या गाईचाही यामध्ये मृत्यू झाला आहे. दरम्यान, जखमींना उपचारासाठी दाखल करण्यात आले असून, पोलीस संबंधित घटनेचा अधिक तपास करत आहेत.