Sattari News : सत्तरी तालुका ग्रंथालयात बालदिन उत्साहात

Sattari News : वाळपई सत्तरी तालुका ग्रंथालयातर्फे नुकताच येथे बालदिन उत्साहात साजरा करण्यात आला. यावेळी प्रमुख पाहुण्या म्हणून लेखिका प्रज्ञा सहस्त्रबुद्धे, बालभवनच्या शिक्षिका मनीषा गावकर, ग्रंथालयाच्या प्रमुख दीप्ती सावंत, शीला गावकर, मिरा भोसले, सौ. च्यारी, सुधीर सावंत तसेच इतरांची उपस्थिती होती.

पं. जवाहरलाल नेहरूंच्‍या तसबिरीला पुष्पहार घालून कार्यक्रमाचे उद्‌घाटन करण्यात आले. उपस्‍थित मान्‍यवरांनी विचार मांडले. प्रज्ञा सहस्त्रबुद्धे यांनी पर्यावरणपूरक व फुलांचा वापर करून मुलांना छान व आकर्षक कलाकृती करून दाखविल्या.

तसेच त्‍या मुलांकडून करवून घेतल्‍या. मुलांनी धम्‍माल करुन हा बालदिन उत्साहात साजरा केला. सूत्रसंचालन शीला गावकर यांनी केले तर दीप्ती सावंत आभार मानले.