CM Pramod Sawant: मुख्यमंत्र्यांची पोलीस विभागाला सक्त ताकीद; म्हणाले अशी प्रकरणे...

CM Sawant: गोवा पोलिसांकडून गुन्हे दाखल करण्यात कोणताही विलंब पीआय स्तरावरील अधिकाऱ्याकडून खपवून घेतला जाणार नाही. या संदर्भात एका अधिकाऱ्याला निलंबित करण्यात आले आहे.

दोघांच्या बदल्या करण्यात आल्या असून त्यांना कारणे दाखवा नोटीस बजावण्यात आली आहे; यापुढे पोलिस किंवा गृहविभागात अशी प्रकरणे खपवून घेतली जाणार नाहीत अशी सक्त ताकीद मुख्यमंत्री सावंत यांनी दिली आहे.

सत्तरी तालुक्यातील लैंगिक अत्याचार प्रकरणी मुख्यमंत्री प्रमोद सावंत यांनी प्रसारमाध्यमांशी बोलताना आपली प्रतिक्रिया दिली आहे.

अल्पवयीन मुलीवरील लैंगिक अत्याचार प्रकरणी एफआयआर नोंदवण्यात दिरंगाई केल्याप्रकरणी वाळपई पीआय प्रज्योत फडते यांना निलंबित करण्यात आले आहे.

तर बलात्काराचा गुन्हा दाखल करताना कर्तव्यात कसूर केल्याप्रकरणी पणजी महिला पोलीस ठाण्याच्या पीआय संध्या गुप्ता यांची लाईन ड्युटीसाठी पोलीस मुख्यालयात बदली करण्यात आली आहे.

तसेच पीएस विक्रम नाईक यांना देखील कारणे दाखवा नोटीस बजावण्यात आली आहे.