Mining Laboratory: राज्यात लवकरच सुरु करणार खाण प्रयोगशाळा- मुख्यमंत्री सावंत

Mining Laboratory In Goa: राज्यातील खनिज मातीतून नेमके कोणते खनिज काढले गेले याची पडताळणी करण्यासाठी खाण व भूविज्ञान खात्याच्या माध्यमातून राज्य सरकार प्रयोगशाळा सुरू करणार आहे. पोर्तुगीजकाळात तशी प्रयोगशाळा पणजीत होती.

मात्र आता नव्याने ही प्रयोगशाळा सुरु करण्यात येणार असल्याचे मुख्यमंत्र्यांनी आज राज्य भूवैज्ञानिक प्रोग्रामिंग मंडळाच्या बैठकीत सांगितले. यावेळी शिरगाव खाणपट्ट्यातून श्री देवी लईराई देवीचे मंदिर व वस्ती वगळा, अशी सूचनाही त्यांनी केली. राज्य खनिज नकाशाचे अनावरणही मुख्यमंत्र्यांनी या बैठकीच्या निमित्ताने केले.