लता दीदींना अखेरचा निरोप देण्यासाठी गोव्याचे मुख्यमंत्री मुंबईत दाखल

Lata Mangeshkar: प्रसिद्ध गायिका आणि भारतरत्न लता मंगेशकर यांचे आज 93व्या वर्षी सकाळी निधन झाले आहे. पूर्ण देश त्यांच्या निधनामुळे हळहळला आहे. आज रविवारी संध्याकाळी 6:30 वाजता मुंबईतील शिवाजीपार्क येथे त्यांच्यावर सरकारी इतमामात अंत्यसंस्कार करण्यात येणार आहेत. त्यांना श्रद्धांजली वाहण्यासाठी संपूर्ण देशभरातील अनेक दिग्गज मंडळी मुंबईत दाखल होत आहेत. (Chief Minister Pramod Sawant arrives in Mumbai to pay his last respects to Lata mangeshkar)

याचसंदर्भात गोवा राज्याचे मुख्यमंत्री प्रमोद सावंत देखील अंत्यसंस्कारासाठी मुंबईत दाखल झाले आहेत. लता दीदी आणि गोव्याचे विशेष नाते आहे. शिवाय त्या देशातील अत्यंत महत्वाच्या आशा भारतरत्न व्यक्ति आहेत. यामुळे आपले आद्य कर्तव्य म्हणून मुख्यमंत्री प्रमोद सावंत हे दीदींना अखेरचा निरोप देण्यासाठी मुंबईमध्ये पोहोचले आहेत. त्यांच्यासोबत भाजपचे गोवा प्रदेशाध्यक्ष सदानंद शेट तानावडे आणि निवडणूक प्रभारी तथा महाराष्ट्राचे माजी मुख्यमंत्री देवेंद्र फडणवीस देखील उपस्थित आहेत. त्यांनी दीदींच्या पार्थिवाचे अंत्यदर्शन घेऊन अंत्ययात्रेत सहभाग घेतला आहे.

कलाक्षेत्र, राजकारण, सामाजिक क्षेत्र अशा सर्व क्षेत्रातील दिग्गज व्यक्ती लता दीदींना अखेरचा निरोप देण्यासाठी शिवाजी पार्कवर दाखल झाले आहेत. देशाचे पंतप्रधान नरेंद्र मोदी सुद्धा मुंबईत पोहोचले आहेत.