CM Pramod Sawant: साखळीत होणार पहिले फिजिओथेरपी, नेचरोपेथी व योगिक सायन्स हॉस्पिटल

Chief Minister Pramod Sawant: आरोग्याची काळजी घेताना केवळ आजार जडल्यानंतरच उपचार घेण्यापेक्षा आजारी न पडण्यासाठी आजच्या काळात स्वतःची तंदुरुस्ती सांभाळणे गरजेचे झाले आहे. त्यासाठी आज नेचरोपेथी व योगिक सायन्स या उपचारांना महत्त्व आले आहेत.

त्याचबरोबर फिजिओथेरपीचीही आवश्यकता आज लोकांना प्रत्येक आजारातून बाहेर पडण्यासाठी उपयुक्त ठरत आहे. साखळीत हीच गरज ओळखून गोव्यातील पहिले फिजिओथेरपी, नेचरोपेथी व योगिक सायन्स रुग्णालय येणार, अशी घोषणा मुख्यमंत्री डॉ. प्रमोद सावंत यांनी साखळीत केली.

गोवा कॉलेज ऑफ फिजिओथेरपी, नेचरोपेथी व योगिक सायन्सतर्फे साखळीतील जुन्या सरकारी प्राथमिक आरोग्य केंद्रात सुरू करण्यात आलेल्या फिजिओथेरपी, नेचरोपेथी व योगिक सायन्सच्या ओपीडीचे उदघाटन केल्यानंतर मुख्यमंत्री डॉ. प्रमोद सावंत बोलत होते.