Mahadayi Water Dispute: अमित शहांच्या विधानावर मुख्यमंत्र्यांनी दिले 'हे' स्पष्टीकरण, म्हादईच्या...

Mahadayi Water Dispute: गोव्यातील भाजपच्या सरकारला विश्‍वासात घेऊन कर्नाटकमधील शेतकऱ्यांची तहान भागवण्यासाठी म्हादईचे पाणी कर्नाटकाला वळवण्यास केंद्रातील भाजपने मान्यता दिली आहे. म्हादई प्रश्न सोडवण्यासाठी गोवा सरकारला सोबत घेतल्याबद्दल मी कर्नाटकच्या मुख्यमंत्र्यांचे अभिनंदन करतो असे केंद्रीय गृहमंत्री अमित शहा यांनी स्पष्ट केले होते.

शहा यांच्या या वक्तव्यावर राज्यातून सर्वच स्तरातून टीका होत असून यावर विरोधकही आक्रमक झाले आहे. विरोधकांनी मुख्यमंत्र्यांच्या राजीनाम्याचीही मागणी केली आहे. दरम्यान यावर आता मुख्यमंत्री डॉ. प्रमोद सावंत यांनी स्पष्टीकरण दिले आहे.

ते म्हणाले, "आम्ही माननीय सर्वोच्च न्यायालयाकडून म्हादई प्रकरणी लवकर सुनावणी घेण्याची मागणी केली आहे. गोव्याच्या हक्काच्या पाण्याच्या प्रत्येक थेंबासाठी आम्ही लढत राहू. कर्नाटकच्या डीपीआरलाही आवश्यक पर्यावरण परवानग्या मिळालेल्या नाहीत. माझे सरकार गोव्याच्या हिताचे रक्षण करेल, अशी ग्वाही मी गोव्यातील जनतेला देतो असे मुख्यमंत्र्यांनी सांगितले.