Panaji : दिव्यांगजन आयोग कार्याचे मुख्यमंत्र्यांनी केले कौतुक

पणजी : राज्य दिव्यांगजन आयोगाचा 2022-2023 सालचा अहवाल मुख्यमंत्री डॉ. प्रमोद सावंत आणि समाजकल्याण मंत्री सुभाष फळदेसाई यांच्या हस्ते नुकताच प्रसिद्ध करण्यात आला.

यावेळी समाजकल्याण संचालनालयाच्या संचालक संध्या कामत, राज्य दिव्यांगजन आयुक्त गुरुप्रसाद पावसकर आणि आयोगाचे सचिव तहा हाजिक उपस्थित होते.

आयोगाची स्थापना झाल्यापासून आयुक्त गुरुप्रसाद पावसकर यांच्या नेतृत्वाखाली आयोगाने केलेल्या कार्याचे मुख्यमंत्र्यांनी कौतुक केले. या वार्षिक अहवालात ‘पर्पल महोत्सव’ व्यतिरिक्त दिव्यांगांच्या सक्षमीकरणासाठी राबवलेल्या विविध उपक्रमांची माहिती दिली आहे.

दिव्यांगांना मुख्य प्रवाहात आणण्यासाठी पंतप्रधान नरेंद्र मोदी यांच्या नेतृत्वाखाली राज्य सरकार प्रयत्नरत आहे. याशिवाय गोवा राज्य दिव्यांगस्नेही बनवण्यासाठी प्रयत्न करणार असल्याचे आश्वासन सावंत यांनी यावेळी दिले.