मुख्यमंत्र्यांनी 'या' मागण्या केल्या मान्य, अंगणवाडी सेविकांच आंदोलन मागे

आझाद मैदानावरील आंदोलक अंगणवाडी सेविकांनी आपल्या काही मागण्या यापूर्वीच मान्य केल्या असून उर्वरित मागण्या सोडविण्याची तयारीही सरकारने दर्शविल्याने त्यांनी तात्पुरते आंदोलन मागे घेतले आहे. मुख्यमंत्री प्रमोद सावंत यांच्यासोबत झालेल्या बैठकीनंतर प्रसारमाध्यमांशी बोलताना अंगणवाडी सेविकांचे नेते हृदयनाथ शिरोडकर म्हणाले की, त्यांनी आझाद मैदानावरील 9 दिवसांचे धरणे मागे घेण्याचा निर्णय घेतला आहे.

सरकारी (Government) प्रस्तावावर चर्चा करण्यासाठी आणि आंदोलनावर योग्य तो निर्णय घेण्यासाठी आम्ही रविवारी बैठक बोलावली आहे, असे ते म्हणाले. सेवानिवृत्ती लाभ मिळण्यासाठी नामनिर्देशित व्यक्तीची नियुक्ती, सेवेतील सातत्य आणि सेवानिवृत्ती लाभांमध्ये वाढ या मागण्या सरकारने मान्य केल्या आहेत. पगार आणि पेन्शन (Pension) योजनेतील वाढीबाबत युनियन सरकारला नवीन प्रस्ताव सादर करेल, असेही ते म्हणाले.

“प्रथम आम्ही मुख्यमंत्र्यांना स्पष्ट केले की आमची अंगणवाडी सेविकांची गोवा (goa) युनियन कायदेशीर संघटना आहे आणि इतर युनियनची नोंदणी रद्द करण्यात आली आहे. दुसरे म्हणजे, अंगणवाडी सेविकांच्या मागण्या सरकारशी संवाद साधत नसल्याबद्दल समाजकल्याण संचालकांच्या निलंबनाची मागणीही आम्ही केली आहे अशीही माहिती त्यांनी यावेळी दिली. तसेच आंदोलकांना (Movement) मारहाण करण्यास जबाबदार असलेल्या पोलिसांवर (police) कारवाई करण्याची आम्ही मागणी केली आहे,”