Colonel CK Naidu Trophy: गोव्याच्या युवक संघाचा पुन्हा डावाने पराभव, छत्तीसगडचा दणदणीत विजय

Colonel CK Naidu Trophy: गोव्याच्या २३ वर्षांखालील युवक संघाची कर्नल सी. के. नायडू करंडक क्रिकेट स्पर्धेतील पराभूत कामगिरी सलग दुसऱ्या सामन्यातही कायम राहिली. भिलाई येथील बीएसपी क्रिकेट स्टेडियमवर त्यांना छत्तीसगडने मंगळवारी अडीच दिवसांच्या खेळातच डाव व १६९ धावांनी हरविले.

गोव्याला स्पर्धेतील पहिल्या लढतीत कडापा येथे आंध्रने डाव व ५३ धावांनी नमविले होते. गोव्याचा ड गटातील तिसरा सामना २१ जानेवारीपासून सांगे येथे केरळविरुद्ध खेळला जाईल.

२९९ धावांच्या पिछाडीवरून गोव्याचा दुसरा डाव १३० धावांत संपुष्टात आला. सलामीचा अभिनव तेजराणा (४५) व सर्वांत शेवटी बाद झालेला योगेश कवठणकर (४८) यांचा अपवाद वगळता गोव्याच्या इतर फलंदाजांना दुहेरी धावसंख्या गाठता आली नाही.

संक्षिप्त धावफलक

गोवा, पहिला डाव: १०३

छत्तीसगड, पहिला डाव: ९ बाद ४०२ घोषित

गोवा, दुसरा डाव (१ बाद २३ वरुन): ५३.२ षटकांत सर्वबाद १३० (अभिनव तेजराणा ४५, मनीष काकोडे ९, राहुल मेहता ७, योगेश कवठणकर ४८, आयुष वेर्लेकर ४, शिवेंद्र भुजबळ २, दीप कसवणकर ०, लखमेश पावणे ०, फरदीन खान ५, शुभम तारी नाबाद २, सत्यम दुबे १-३२, वरुणसिंग भुई ३-२८, अरिन द्विवेदी ५-२९).