Chhatrapati Shivaji Maharaj Statue Vandalised: करासवाडा-म्हापसा येथील आयडीसीच्या (थिवी औद्योगिक वसाहत) मुख्य गेटसमोरील रस्त्यालगत असलेल्या छत्रपती शिवाजी महाराजांच्या पुतळ्याची अज्ञात समाजकंटकांनी विटंबना केल्याची घटना काल (सोमवारी) सकाळी उघडकीस आली. त्यानंतर शिवप्रेमी चांगलेच आक्रमक झाले असून आरोपींना अटक करण्याची मागणी जोर धरू लागली.
याबाबत पोलिसांनी तिघांना अटक केली असून त्यांच्यावर गुन्हा दाखल केला आहे.
याप्रकरणी म्हापसा पोलिसांनी नायजेल फॉन्सेका (41, आकय), आलेक्स फर्नांडिस (51, आकय), लॉरेन्स मेंडीस (40, थिवी) या तिघांना अटक करून गुन्हा दाखल केला असून त्यांना 6 दिवसांची पोलीस कोठडी देण्यात आली आहे.
माहितीनुसार, या तिघांनी कथित दारूच्या नशेत हे कृत्य केले असल्याचे सूत्रांनी सांगितले.
दरम्यान, काल शिवप्रेमींनी संयम बाळगून तसेच एकतेचे प्रतीक दाखवत संध्याकाळी सिंहासनाधिष्ठीत नवीन पुतळ्याची प्रतिष्ठापना केली. ख्रिस्‍तीधर्मीय आमदार कार्लुस फेरेरा यांनी शिवरायांच्या पुतळ्याला पुष्‍पहार अर्पण करून दुग्‍धाभिषेकही केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.