टीएमसी-एमजीपी युती सरकार स्थापन करेल: चर्चिल

मडगाव: तृणमूल काँग्रेसचे आमदार चर्चिल आलेमाव यांनी दिलेल्या माहितीनुसार, टीएमसी एमजीपी सोबत आघाडी करून गोव्यात सरकार स्थापन करेल. जर विरोधी पक्ष भाजपला सत्तेपासून दूर ठेवण्यासाठी प्रयत्न करत असेल तर सरकार स्थापन करण्यासाठी काँग्रेसने टीएमसी-एमजीपीला पाठिंबा द्यावा, असे चर्चिल (Charchil Alemao) यांनी म्हटले आहे. (Charchil Alemao Statment On MGP-TMC alliance for goa election)

चर्चिल म्हणाले की, टीएमसी सर्वेसर्वा ममता बॅनर्जी (Mamata Banejree) या प्रकरणांवर निर्णय घेतील. महिला, तरुण आणि बेरोजगारांच्या फायद्यासाठी त्यांनी जाहीर केलेल्या सर्व योजनांची अंमलबजावणी करण्यास पक्ष उत्सुक असल्याचेही ते म्हणाले.

ते पुढे म्हणाले की, पक्ष बाणावली आणि नावेली मतदारसंघांसह 10 पेक्षा जास्त जागा आम्ही जिंकू, या मतदारसंघात आलेमाव आणि त्यांची मुलगी वालांका यांनी टीएमसी बॅनरवर निवडणूक लढवली होती.

“एमजीपीलाही (MGP) काही जागा जिंकण्याची अपेक्षा आहे. एकत्रितपणे सरकार स्थापन करण्याचा आम्हाला विश्वास आहे. तसे न केल्यास आम्ही ममता दीदींसोबत बसून पुढील कृती ठरवू. टीएमसीने निवडणूक जाहीरनाम्यात सादर केलेल्या योजनांची अंमलबजावणी आम्ही नक्की करू, टीएमसीने महिला आणि तरुणांसाठी जाहीर केलेल्या सर्व योजना पक्षाकडून लागू केल्या जातील, असेही ते म्हणाले.