Chandrayaan 3 : अपयशातूनच ‘चांद्रयान- ३’चे यश- के. सिवन ; एनआयटीच्या दीक्षांत सोहळ्यात साधला संवाद

Chandrayaan 3 : मडगाव, चांद्रयान-३’, ‘चांद्रयान-२ ’चाच एक प्रस्तावित भाग होता. या तिसऱ्या मोहिमेचे यश दुसऱ्या मोहिमेच्या अपयशात लपले आहे. कारण शास्त्रज्ञांनी पूर्वीच्या प्रकल्पातील अपयशातूनच शिकून यशस्वी शिखर गाठले,

असे वक्तव्य इस्रोचे माजी प्रमुख के. सिवन यांनी शुक्रवारी कुंकळ्ळी येथे एनआयटीच्या दीक्षांत समारंभात संवाद साधताना केले.

दक्षिण जिल्ह्यातील नॅशनल इन्स्टिट्यूट ऑफ टेक्नॉलॉजी (एनआयटी) गोव्याच्या नवव्या दीक्षांत समारंभाला संबोधित करताना सिवन म्हणाले की, ‘चांद्रयान-२’ अयशस्वी झाल्यानंतर फक्त एक दिवसानंतर शास्त्रज्ञांनी ‘चांद्रयान-३’ची रूपरेषा तयार करण्यास सुरवात केली होती.

तुम्ही अपयशातून शिकले पाहिजे, अपयशावर विजय मिळवला पाहिजे, पुढे जाऊन आणि त्यात प्रभुत्व मिळवले पाहिजे.

जर तुम्हाला अपयशाची भीती वाटत असेल, तर तुम्ही आयुष्यात दीर्घकालीन अपयशाची जोखीम घेत आहात हे स्पष्ट आहे असे त्यांनी विद्यार्थ्यांना संबोधित करतांना सांगितले.