प्रसिद्ध पत्रकार आणि साहित्‍यीक स्‍व. चंद्रकांत केणी यांची ८९ वी जयंती रविवार २६ नोव्‍हेंबर रोजी साजरी करण्‍यात येणार असून यानिमित्त सायंकाळी ५ वा. मडगाव पालिका सभागृहात होणार्‍या कार्यक्रमात ज्‍येष्‍ठ पत्रकार प्रमोद प्रभूगावकर यांना चंद्रकांत केणी पत्रकारिता पुरस्‍कार प्रदान करण्‍यात येणार आहे.
माजी मुख्‍यमंत्री आणि मडगावचे आमदार दिगंबर कामत हे यावेळी प्रमुख पाहुणे म्‍हणून उपस्‍थित रहाणार असून त्‍यांच्‍याच हस्‍ते हा पुरस्‍कार दिला जाणार आहे. साहित्‍यीक व माजी आयएएस अधिकारी अरविंद भाटीकर हे यावेळी प्रमुख वक्‍ते म्‍हणून हजर रहाणार आहेत.
स्‍व. केणी यांनी कोंकणी भाषा आणि गोव्‍याची संस्‍कृती वृद्धिंगत होण्‍यासाठी आजीवन कार्य केले. त्‍यांच्‍या या कार्याचा सन्मान म्‍हणून हा कार्यक्रम दरवर्षी आयोजीत केला जातो. आणि स्‍व. केणी यांची तत्‍वे पुढे नेणार्‍या गोमंतकीय साहित्‍यीकाला त्‍या दिवशी त्‍यांच्‍या नावे पुरस्‍कार दिला जातो.
यापूर्वी हा पुरस्‍कार ज्‍येष्‍ठ पत्रकार सुरेश वाळवे आणि उदय भेंब्रे यांना देण्‍यात आला असून या दोन्‍ही पत्रकारांनी केणी यांच्‍या मार्गदर्शनाखाली पत्रकारिता केली होती. पुरस्‍काराचे यंदाचे मानकरी प्रमोद प्रभुगावकर यांनीही आपली पत्रकारिता कारकिर्द केणी यांच्‍याच मार्गदर्शनाखाली केली होती. रविवारचा हा कार्यक्रम सर्वांसाठी खुला असल्‍याचे कळविण्‍यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
